Monday, June 22, 2009

கணினியில் தமிழ் - பயிலரங்கு: அட்லாண்டாவில் அன்னைக்கு அரியணை - 2

கணினியில் தமிழ் - பயிலரங்கு: அட்லாண்டாவில் அன்னைக்கு அரியணை - 2
அன்புத் தமிழ் ஆர்வலர்களே

பயிலரங்கு அமர்வுகள்

தமிழ் இலக்கிய வரலாறு பல்லூடக நிகழ்வு நடத்தி இலக்கிய விருந்து படைக்க விருக்கும் பேரவை 2009, கணினியில் தமிழைப் பயன்படுத்த வேண்டும் என்ற எண்ணம் கொண்ட ஆரவலர்களுக்கு தமிழை மிக எளிதாகக் கணினியில் பயன்படுத்தும் வழிகளைப் பயிற்சியளிக்க தனிப் பயிற்சிப் பட்டறை அமைத்துள்ளது.

என்னால் கணினி (Computer) வழி தமிழைத் தர முடியுமா, மின்னஞ்சல் எழுதுவது எப்படி போன்ற வினாக்கள் தங்கள் சிந்தனை ஓட்டத்தில் ஓடி மறைந்தால், இந்தப் பயிலரங்கு தங்களுக்கே.

வட அமெரிக்க உத்தமத்தின்(http://www.infitt.org/) தலைவர், அமெரிக்க நாசா விண்வெளி மையத்தின் பணிபுரியும் திரு. நாக. கணேசன் தலைமையில் இதற்காகவே அமைக்கப்பட்ட குழு , தமிழ்மணத்துடன் இணைந்து தமிழில் கணினியில் எப்படி எளிதாக எழுதுவது, வலைப்பூக்களைத் தமிழ்மணத்தில் சேர்ப்பது எப்படி போன்ற வினாக்களுக்கு விடையளிக்கவும், சில சிறந்த பயிற்சியாளர்களை அடையாளம் கண்டுள்ளது.

இந்தச் சிறந்த பயிற்சியாளர்கள், தங்களுக்குப் பயிற்சி அளிப்பதுடன், தங்களையும் இந்தச் சிறந்த பயிற்சியாளர் குழுவில் இணைக்க வழிவகையும் காண்பர், தங்களுக்கு ஆர்வமிருப்பின்.

பயிலரங்குப் பதிவுக்கு : http://www.infitt.org/fetna2009_signup.php

பேரவைப் பதிவுக்கு : http://www.fetna.org/

அன்புடன்
.கவி.

No comments:

Post a Comment